مش انا دا الزمان

موضوع: مش انا دا الزمان 2010-07-11, 2:41 am

كل
ذنبه طلع لقى بخته فى الدنيا دى مايل..

حظه قليل وطريقه مسدود وقافل ..

مش لاقى اب يدادى ولا ام تهنن ..

ولا حضن دافى.. وسط ضلوعه ينام ويطمن

بس لقى شارع واسع ..مفتوح وبيرحب

لقى راجل قاله ..هات ايدك تبقى معايا متمكن

ويا ويل الطفل الغلبان.. من طريق اخره توهان

علمه الراجل يسرق بخفه وشطاره..

علمه يمد ايده فى جيوب الناس الغلبانه

ناس غلبانه عشان عيشها ..متمرمطه وزهقانه

وكبر الطفل.. وكبرت مصيبته معاه

ساب الحرامى.. واتلم على نصاب

ويا ويلك يا ولدى.. من المستخبى ومن المكتوب

واتعلم يفتح خزاين مشفره.. ويسرق بنوك متعمره

اتعلم يجور على حق الغلبان.. ويدوس على الزمان

وفى سرقه من السرايق.. والليل مغطى ع الخلايق

طب البوليس على سهوه.. ومسكه على غفوه

ويا ويلك يا مسكين ..من مصير المساجين

وفى ليله من الليالى ..والقمر طالع

والكل نايم على ضهره وغارق.. صحى الشاب على حلم مريع

على طريقه الى ماشى فيه ..وعلى ربه الى غضبان عليه

فكر فى حاله ومحتاله .. وفى وامره ومواله

كان حلمه يدرس... يبقى معاه شهاده ومتعلم

كان حلمه يكون انسان... وسط البشر متصان

كان حلمه يلاقى عروسه... تبقى بيه مبهوره ومخطوفه

بس ملقاش غير انسان .وسط الشوارع ساكن ومتهان

ملقاش غير اساءه ..من الناس المستاءه

كان حلمه يكون انسان

مجرد انسان

خالي من الحرمان الحرمان

:::: كلامى يا جماعه مش مجرد نثر مسجوع
بس ده كلام زمن موجوع
ضاقت بيه الدنيا من البشر والى عمله الطمع والجشع

اطفال الشوارع فيها ايه لو كل راجل مبسوط فى كل بلد وفى كل
قريه وكل مدينه
عمل دار لاطفال الشوارع جمعهم فيها ..شغلهم شغلانه يستفيدوا منها ..
واكيد هو كمان هيستفاد من انتاجهم ..بس ده لو الناس كان فى قلوبها خير
مش كل واحد بقى همه على مصلحته هو .. انما لو حد فكر فى مصلحه غيره
مكناش وصلنا للى احنا فيه ده

والله المستعان على الى احنا فيه ،،،،

موضوع: رد: مش انا دا الزمان 2010-07-24, 1:00 am

معاك ألف حق يا سندباد

لو كل الناس فكرت زيه كده كانت هاتفرق كتير

سلمت اناملك دائما متميز

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: مش انا دا الزمان 2010-07-24, 7:19 am

فكر فى حاله ومحتاله .. وفى وامره ومواله

كان حلمه يدرس... يبقى معاه شهاده ومتعلم

كان حلمه يكون انسان... وسط البشر متصان

كان حلمه يلاقى عروسه... تبقى بيه مبهوره ومخطوفه

بس ملقاش غير انسان .وسط الشوارع ساكن ومتهان

ملقاش غير اساءه ..من الناس المستاءه

[ندعوك للتسجيل في المنتدى أو التعريف بنفسك لمعاينة هذه الصورة]