انا عندى (( عيب خلقى )) حد يقدر يساعدنى

بسم الله الرحمن الرحيم

منذ زمن وبدأ إنتشار ظاهرة عمليات التجميل بمختلف أنواعها وأشكالها والأسباب وراء إقبال الإنسان عليها كثيرة وأنا أقول إنسان وهذه الكلمة تشمل الرجال والنساء معاً

من هذه الأسباب واحد أنفه كبير وطبعا مخلى شكله وحش
وواحد عنده عين واسعه والتانيه ضيقه
وواحد عنده أذن أكبر من أذن
وواحده عايزه تغير لون عينيها بالعدسات اللاصقه علشان لون عينيها يمشى مع الموضه اللى لابساها
وواحده عايزه تنفخ وواحده تانيه عايزه تشفط
وواحده عايزه تغير وجهها كله علشان فى واحده زميلتها احلى منها
وواحده عايز تفتح بشرتها والتانيه عايزه تغمقها

واسباب اخرى اكثر بكثيــــــر والناس بتقلد بعض علشان ماحدش يكون احسن من التانى

طيب انا هسألكم سؤال وتردوا عليه بكل صراحه

حد منكم شاف

طائر عنده جناح اصغر من جناح ومش عارف يطير... حاول يعمل عملية تجميل ويظبط الإتنين مع بعض ؟

شجرة لا تخرج ثمار وبجوارها شجرة أخرى تخرج اجمل واحلى ثمار ... حاولت تعمل عملية طفل الأنابيب علشان تخرج ثمار زى الأخرى وتقول إشمعنى هى ؟

طيور البط او الأوز فى بطه او وزه مخلوقه بدون أغشية بين أصابعها وتمنعها من السباحة فى الترعة او النهر .... حاولت ان تلبس زعانف علشان تعرف تعوم ومتكونش فى بطه تانيه احسن منها

والأمثلة كثيرة جدا لا حصر لها
وجميع المخلوقات من حيوان ونبات وجماد يسبحون بحمد الله ليلا ونهارا ولا يملون

أنت وأنا وغيرك وغيرى من بنى البشر الذى كرمنا الله - سبحانه وتعالى - ورفعنا فوق باقى المخلوقات وأنعم علينا بنعم كثيرة وأهمها العقل

كيف نعيب فى خلق الله سبحانه وتعالى ونحاول تغيير مشيئته فى خلقه

الله خلقنى قصير وخلقك انت بدين وخلق آخر أسود وخلق أخرى شعرها أصفر واخرى بعين زرقاء واخر بأنف كبيره

لله فى خلقه شئون ولا يختص بها غيره وحده لا شريك له عز وجل

كيف تسمح لنفسك انت يا عبدالله الذى لا حول لك ولا قوة بتغيير المشيئة التى خلقك ربك عليها بل وتعيب فيها وتقول ((( عيب خلقى )))
الا تفهم معنى هذه الكلمة السهلة النطق والصعبة فى الفهم أتقول أنت ان الله عز وجل قد عاب وخطأ فى خلق شئ أعاذنا الله عز وجل من هذا
ألا تعلم أن من كفر بنعمة واحدة من نعم الله عز وجل فقد كفر بباقى نعمه علينا
ومن نعم الله عليك أن خلقك فى أحسن صورة

بالله عليكم يا اخوانى واخواتى الأعزاء .....
هل انا على صواب أم على خطأ ؟؟؟؟؟؟؟؟؟؟

الله عليك

موضوع غابه فى الروعه

موضوع بجد تحفة سلمت أناملك

وطبعا أنا معاك ان لا إعتراض علي قدرة الله وخلقه

ولا مشيئته ولكن هناك عيوب مستحيلة ان يحيا الانسان بها

وهنا ممكن ان نرجع الي راي الدين وعلمائنا الأجلاء وهل يسمح

دينا بذلك أم لا

ملك روحى كتب:: الله عليك

موضوع غابه فى الروعه

اهلا بيك ملك روحى منور

موضوع مهم جدا وانتشر جدا اليومين دول

تسلمك ايدك ياباشا

» لا تمنح قلبك لمن لا يقدر قربك
» زاد وزنك وتخنتى ونفسك تخسى من 10 الى 12ك فى 15 يوم انا عندى الحل