سجل حضورك ببيت شعر

هى دى بنتى الوحيدة
اللى حببتنى فى البنات..
هى دى..
اللى هناك بتضحك
هى دى..
اللى هناك بتلعب
ولما روحى منى تتعب
تملا قلبى بالحاجات..
هى دى..
اللى هناك بتحلم
وفى عيونها غنوة حلوة
(عبق وذكريات وجداني واحلامي واماني وامنياتي بكره وبعد بكره وذكرياتي الي جايه وتاريخ نفسي ارسمه من رموش عيونها نفسي اربيها واعلمها واكبرها ولما تبص علي الدنيا ماتلخبطهاش الحقيقه نفسي القيها بأخلقها تخترق كل الابواب)

........لب وسوداني

بقول لها ..
ما تيجي نهزر ..
نجري ونلعب ..
ونكسر كل الحاجات ..
ونجيب م اللي فات ..
يومين حلوين ....
قالتلي والنبي إنت فايق ورايق ..
قولتلها ...
طب وليه نتضايق ..
إحنا لسه صغيرين ..
- وطي صوتك البت تصحي ..
وانا مصدقت إنها يا دوب نامت ...
إنما إيه اللي صحي ف قلبك ..
من تاني الغرام ..
قولتلها جوايا كلمتين غزل ..
قالتلي والنبي إنت عسل ..
بس الظروف ..
- مالها الظروف ..
فاكرة لما كنتي ..
بتحوشي م المصروف ..
جبتيلي ورد ف عيد ميلادي ..
- وجبتلك بلوفر صوف ..
- وجبتيلي بلوفر صوف ..
- فاكر لما بوستني ..
وإحنا لسه مخطوبين وأبويا لاحظ ..
يالهوي كنت هموت م الكسوف
- فاكرةأول مرة قلت لك بحبك ..
وشك إحمر ..
- إنت اللي وشك كان مخطوف ..
- مش إنتي كنتي بترسمي زمان ..
- وإنت كمان كنت بتكتب شعر ..
- هو احنا بطلنا نحس ..
- إحنا بطلنا نشوف ...
وطلعنا اللب والسوداني ..
وفتحنا التليفزيون ..
وسكتنا تاني ..
ولا زال السبب ..
غير معروف ..
غير معروف

مهلا تمهل ياملك سبحانه ربى مااجملك