مـــيـــهـــمـــنـــيــــش

علموني ان الاجتهاد نجاح ..والكفاح حصاد ، واجمل شعارات الحق والإنسانية ،
بس سبحان الله في اول موقف في حياتك بتلاقي تبديل في كل معاملات المجتمع معاك
مبتبقاش عارف العيب في مين إيلي اتعلمته مبقاش سبور ولا الناس بقت من عالم انت مكتشفتوش ؟

ممكن حد يكون رأيه فيا اني مبعرفش اعبر ..او اكتب او حتى اتكلم ، بس ايلي انا متأكد منه اني مش يائس زي مابيفكر البعض كل الموضوع اني شايف الواقع بدون ما اغطيه بحته سكر تغيير شكله عشان اتقبله ..

انا طالب في كلية هندسة ،يمكن في السنة الي فاتت عرفت حاجات اكتر مكنتش اعرفها وميشرفنيش اني اعرفها بكل وضوح ، والاجمل انك تشوف الظلم في كل مكان حتى في ابسط حقوقك كشاب او بنت ، حتى وصولك لمكانة تستحقها بتعب وشرف بقى عملة انتهت ومبقتش مهمة الأيام دي .

حتى ابسط حقوقي مهدرة!
سر الأبداع بقى لما تلاقي نفسك من المتفوقين وواحد زميلك مفيش عندة شغلة طول اليوم غير الجري ورا البنات ومبيفتحش كتاب بس حاسب (ده ابن وزير !) وتروح تنزل مواد وميقبلوش انك تنزل مادةممكن تأخرك ولكن في حين آخر ان الأخ التاني ياخدها بمنتهى السهولة (عشان ابن وزير بقى !)

والأجمل !، ان رئيسة قسم ترتكب غلطة في حق الطلبة وترمي الحمل عليهم وترسبهم في مادة عشان ببساطة جدا"(مينفعش تبان غلطانة لكن الطالب (مش مهم (ميهمناش )))

انا مبقتش عارف حتى ازاي اكون مش يائس زي ما بيقولي البعض بس الحقيقة اني مش شايف حاجة ممكن ترجعلي ثقتي في حاجات كتير .

ايه الفايدة اني احب ناس مبيعرفوش يحبوا غير وجودي ونفسي لاء
وايه الفايدة اني اتعب نفسي واحاول بمجهودي وحد تاني بيستثمر ده لصالحة !\
ايه الفايدة اني اكون الضحكة لكل الناس وهم بيسيبوا مجرد بصمات مفيش ليها معالم ويمشوا ..

انا مبقاش يهمني ان الناس تحس بيا او لاء لأنهم مبقوش هما ايلي كانوا في خيالي زي ما اتربيت

ميهمنيش اني اكون عالم لأن زمن العلماء انتهى على ايد خنقتهم !من زمن
وحتى مبقاش يهمني اني اكون في نظر العالم سليم عقليا" لأن الجنون بقى سر الوصول الأيام دي

بصراحة انا مبقتش عارف ايه بقى يهمني لأني بتظاهر بعدم الاهتمام على قد ماأقدر لدرجة اني مبقتش فاهم نفسي ولاعارف انا مهتم ولا لاء وبصراحة اكتر انا مش عايز افهم عشان ميتقالش فليسوف ولاشاعر ولامراهق ولامتحمس في عالم خلط المسلمين بالأرهاب مع ان الأرهاب مش إسلام !!

وخلط فلسطين بأسرائيل (مع ان فلسطين مش إسرائيل ولا اليهود عمر كان ليهم دولة من الأساس !

وعالم خلط مابين الحب والمصلحة والرغبة ومابينالتقوى والترهبن ومابين الحرية والفساد..

انا مبقدمش تنازلات قبلتني ياعالم زي منا هكون
حتى وان كان دة في نظر الناس (جنون )!!!!.

انا مبقدمش تنازلات قبلتني ياعالم زي منا هكون
حتى وان كان دة في نظر الناس (جنون )!!!!.

تسلمى